சென்னை திருவான்மியூரில் மதுபோதையில் அரசுப் பேருந்தை இயக்கி விபத்து ஏற்படுத்திய ஓட்டுநரை பொதுமக்கள் காவல்துறையினரிடம் ஒப்படைத்தனர்.
திருவான்மியூரில் இருந்து கிளாம்பாக்கம் நோக்கி சென்றுகொண்டிருந்த அரசுப்பேருந்து கொட்டிவாக்கம் ஒய்.எம்.சி மைதானத்திற்கு விபத்தில் சிக்கியது. அப்போது பேருந்து ஓட்டுநர் சரவணனிடம் பொதுமக்கள் இதுகுறித்து கேட்டபோது, அவர் மதுபோதையில் இருந்தது தெரியவந்தது.
இதனையடுத்து, அவருக்கு தர்மஅடி கொடுத்த பொதுமக்கள், காவல் துறையினருக்கு தகவல் அளித்தனர். அதன்பேரில் சம்பவ இடத்திற்கு வந்த போலீசார் வழக்குப்பதிவு செய்து விசாரணை மேற்கொண்டு வருகின்றனர்.
