ஜப்பான் நாடாளுமன்றத்தில் நடைபெற்ற சிறப்புக் கூட்டத்தொடரில், அந்நாட்டின் அடுத்த பிரதமராக ஷிகெரு இஷிபா அதிகாரபூர்வமாக தேர்வு செய்யப்பட்டார்.
ஜப்பான் பிரதமராக இருந்த ஃபிமியோ கிஷிடோ, நிதி முறைகேடு புகாரில் சிக்கியதால், பதவியை ராஜினாமா செய்தார். இதையடுத்து அடுத்த பிரதமரை தேர்வு செய்வதற்காக லிபரல் கட்சி எம்.பி.க்கள் கூட்டம் டோக்கியோவில் நடைபெற்றது.
இதில் பாதுகாப்புத் துறை அமைச்சர் ஷிகெரு இஷிபா 215 உறுப்பினர்களின் ஆதரவுடன் அடுத்த பிரதமராக தேர்வானார். அந்த வகையில், நாடாளுமன்றத்தில் நடைபெற்ற சிறப்புக் கூட்டத்தொடரில், ஜப்பானின் 102-ஆவது பிரதமராக அவர் அதிகாரபூர்வமாக அறிவிக்கப்பட்டார்.
முன்னதாக ஷிகெரு இஷிபாவை எதிர்த்து போட்டியிட்ட சனே தகைச்சி என்ற பெண் எம்.பி. 194 வாக்குகள் பெற்று வெற்றி வாய்ப்பை இழந்தார். ஒருவேளை சனே தகைச்சி வெற்றி பெற்றிருந்தால், ஜப்பானின் முதல் பெண் பிரதமர் என்ற பெருமையை தட்டிச் சென்றிருப்பார் என்பது குறிப்பிடத்தக்கது.
