மதுக்கடைகளை திறந்தவர்கள் தான் அதனை மூட வேண்டும் – பாஜக மூத்த தலைவர் ஹெச்.ராஜா வலியுறுத்தல்!

மதுக்கடைகளை திறந்தவர்கள் தான் அதனை மூட வேண்டும் என பாஜக மூத்த தலைவர் ஹெச்.ராஜா தெரிவித்துள்ளார்.

புதுக்கோட்டை மாவட்ட பாஜக அலுவலகத்தில் நடைபெற்று வரும் உறுப்பினர் சேர்க்கை முகாமை பாஜக ஒருங்கிணைப்பு குழு தலைவர் எச். ராஜா பாஜக மாநில பொதுச் செயலாளர் கருப்பு முருகானந்தம் பாஜக நிர்வாகி அமர் பிரசாத் ரெட்டி ஆகியோர் ஆய்வு செய்தனர்.

பின்னர் செய்தியாளர்களிடம் ஹெச்.ராஜா பேசியதாவது :

மது ஒழிப்பு மாநாடா, மது ஊக்குவிப்பு மாநாடா என்பது தெரியாத மாதிரி ஒரு மாநாட்டை விசிக நடத்துகிறது. பெண் வாக்காளர்களை திசை திருப்புவதற்காகவே இந்த மாநாடு நடத்தப்படுகிறது.

500 மதுபான கடைகளை மூடுவேன் என்று கூறிய திமுக அரசு ஆயிரம் தனியார் கிளப்புக்கு கடைகளுக்கு அனுமதி அளித்துள்ளனர் அந்த கிளப்பில் 150 உறுப்பினர்கள் தான் இருக்க வேண்டும் என்பது விதி. ஆனால் இங்கு விதிகள் ஏதும் கடைபிடிக்கப்
படுவதில்லை. மதுக்கடைகளை திறந்தவர்களே தான் மதுக்கடைகளை மூட வேண்டும் ,

கடந்த ஆண்டு தமிழகத்தில் ஆர் எஸ் எஸ் ஊர்வலம் நடத்த அனுமதி அளித்த நீதிமன்றம் தொடர்ந்து அந்த விதிமுறைகளை பின்பற்றலாம் என கூறியிருந்தும் இந்த ஆண்டு ஆர்எஸ்எஸ் ஊர்வலத்திற்கு தமிழக அரசு அனுமதி தரவில்லை இதன் மூலம் நீதிமன்ற உத்தரவை தமிழக அரசு மதிக்கவில்லை என்பது தெரியவந்துள்ளது.
இதுதான் திராவிட மாடல்.

இதனைத் தொடர்ந்து நீதிமன்றம் தமிழக அரசு கொட்டு வைதுள்ளது .மேலும் நல்ல தீர்ப்பை இந்த விவகாரத்தில் நீதிமன்றம் வழங்கி உள்ளது.

பழனி கோபுரத்தில் மேற்பகுதி சிதலமடைந்துள்ளது. அறநிலையத்துறையின் புனரமைப்பு செய்யப்பட்டுள்ள ஊழலை காட்டுகிறது.

திமுக அரசு பொறுப்பேற்றதில் இருந்து செய்யப்பட்ட கோவில் புனரமைப்பு பணிகள் மற்றும் கும்பாபிஷேகங்களை கள ஆய்வு செய்து வெள்ளை அறிக்கை அரசு வெளியிட வேண்டும்.

ஸ்டாலின் மூலவர் என்றும் உதயநிதி ஸ்டாலின் உற்சவர் என்றும் சட்டத்துறை அமைச்சர் கூறிவிட்டார். எனவே மூலவர் எப்போதுமே வெளியே வர மாட்டார். இனி ஸ்டாலினும் சுற்றுப்பயணங்கள் மேற்கொள்ள மாட்டார் என்று சட்டத்துறை அமைச்சரை ஒப்பு கொண்டுள்ளார்..

எம்ஜிஆர், ஜெயலலிதா பாதையில் அதிமுக செல்கிறதா என்று அதிமுக தொண்டர்கள் நினைத்திருக்கலாம். அதனால் அதிமுகவிற்கு வாக்கு சதவீதம் குறைந்திருக்கலாம். என ஹெச்.ராஜா தெரிவித்தார்.