ஜம்மு காஷ்மீரில் தேசிய மாநாட்டு கட்சி தலைவரான உமர் அப்துல்லா போட்டியிட்ட இரண்டு தொகுதிகளிலும் வெற்றி பெற்றார்.மிகவும் எதிர்பார்க்கப்பட்ட மக்கள் ஜனநாயக கட்சியின் வேட்பாளரும், மெகபூபா முப்தியின் மகளுமான இல்திஜா முப்தி, பிஜ்பெஹாரா தொகுதியில் தோல்வியை தழுவினார்.
பட்காம், காந்தர்பால் ஆகிய தொகுதிகளில் போட்டியிட்ட தேசிய மாநாட்டு கட்சியின் தலைவர் உமர் அப்துல்லா இரண்டு இடங்களிலும் வெற்றி பெற்றார்.பட்காம் தொகுதியில் 36 ஆயிரத்து 10 வாக்குகள் பெற்று வெற்றி பெற்றார்.அவரை எதிர்த்து போட்டியிட்ட மக்கள் ஜனநாயக கட்சி வேட்பாளர் 17 ஆயிரத்து 525 வாக்குகள் மட்டுமே பெற்று தோல்வியடைந்தார்.
மற்றொரு தொகுதியான காந்தர்பாலில் உமர் அப்துல்லா 10 ஆயிரத்து 574 வாக்குவித்தியாசத்தில் வெற்றி பெற்றார்.அவரை எதிர்த்து போட்டியிட்ட மக்கள் ஜனநாயக கட்சி வேட்பாளர் 22 ஆயிரத்து 153 வாக்குகள் மட்டுமே பெற்று தோல்வியடைந்தார்.
மக்கள் ஜனநாயக கட்சியின் வேட்பாளரும், மெகபூபா முப்தியின் மகளுமான இல்திஜா முப்தி பிஜ்பெஹாரா தொகுதியில் தோல்வியை தழுவினார்.23 ஆயிரத்து 529 வாக்குகள் பெற்று 9ஆயிரத்து 770 வாக்குகள் வித்தியாசத்தில், தேசிய மாநாட்டு கட்சி வேட்பாளரிடம், இல்திஜா முப்தி வெற்றி வாய்ப்பை இழந்தார்.
அனந்த்நாக் மேற்கு தொகுதியில் தேசிய மாநாட்டு கட்சி வேட்பாளர் அப்துல் மஜித் வெற்றி பெற்றார்.25 ஆயிரத்து 135 வாக்குகள் பெற்று சுமார் பத்தாயிரம் வாக்குகள் வித்தியாசத்தில் வெற்றி பெற்றார்.
கிஸ்துவார் தொகுதியில் பாஜக சார்பில் போட்டியிட்ட பெண் வேட்பாளர் சகுன் பரிஹார் வெற்றி பெற்றார்.மொத்தம் 29 ஆயிரத்து 53 வாக்குகள் பெற்று 521 வாக்குகள் வித்தியாசத்தில் தேசிய மாநாட்டு கட்சி வேட்பாளரை வீழ்த்தினார்.
பாராமுல்லா தொகுதியில் தேசிய மாநாட்டு கட்சியின் ஜாவத் ஹசன் வெற்றி பெற்றார்.இந்த தொகுதியில் சுயேட்சை வேட்பாளர் இரண்டாவது இடம் பிடித்த நிலையில், காங்கிரஸ் வேட்பாளர் 5 இடத்தை பிடித்து படுதோல்வி அடைந்தார்.
