பிரிக்ஸ் மாநாட்டையொட்டி வரும் 22-ஆம் தேதி ரஷ்யாவின் கசான் நகருக்கு செல்லும் பிரதமர் மோடி, அந்நாட்டு அதிபர் புதினை சந்தித்து பேசுகிறார்.
பொருளாதார முக்கியத்துவம் வாய்ந்த பிரேசில், ரஷ்யா, இந்தியா, சீனா, தென் ஆப்பிரிக்கா ஆகிய நாடுகள் அங்கம் வகிக்கும் பிரிக்ஸ் கூட்டமைப்பின் 16-ஆவது மாநாடு வரும் 22 மற்றும் 23 ஆகிய தேதிகளில் ரஷ்யாவின் கசான் நகரில் நடைபெறுகிறது.
இதையொட்டி, 22-ஆம் தேதி அங்கு செல்லும் பிரதமர் மோடி, பிரிக்ஸ் மாநாட்டில் உரையாற்றுவதுடன், ரஷ்ய அதிபர் புதினையும் தனிப்பட்ட முறையில் சந்தித்து பேசவிருப்பதாக தகவல் வெளியாகியுள்ளது.
உலக மக்கள்தொகையில் பிரிக்ஸ் நாடுகள் 41 சதவீதமும், மொத்த உள்நாட்டு உற்பத்தியில் 24 சதவீதமும் அங்கம் வகிக்கின்றன. இதேபோல சர்வதேச வர்த்தகத்தில் பிரிக்ஸ் நாடுகள் 16 சதவீதம் பங்கு வகிப்பது குறிப்பிடத்தக்கது.
