குரூப்-4 தேர்வு முடிவு இன்னும் 2 நாட்களில் வெளியாகும் என தகவல் வெளியாகி உள்ளது.
அரசு துறைகளில் 8 ஆயிரத்து 932 காலிப் பணியிடங்களை நிரப்புவதற்காக குரூப்-4 தேர்வு கடந்த ஜூன் மாதம் 9-ஆம் தேதி நடைபெற்றது.
சுமார் 20 லட்சம் பேர் குரூப்-4 தேர்வுக்கு விண்ணப்பித்திருந்த நிலையில், 15 லட்சத்து 80 ஆயிரம் பேர் தேர்வை எழுதினர். குரூப்-4 தேர்வு முடிவு எப்போது வெளியாகும் என தேர்வர்கள் ஆவலுடன் எதிர்பார்த்து காத்திருக்கும் நிலையில், இதுதொடர்பான ஆலோசனைக் கூட்டம் நடைபெற்றது.
குரூப்-4 தேர்வு முடிவை நாளை மறுதினம் வெளியிட கூட்டத்தில் முடிவு செய்யப்பட்டதாக டிஎன்பிஎஸ்சி அதிகாரிகள் தெரிவித்துள்ளனர். முதன் முறையாக தேர்வு நடைபெற்ற மூன்று மாதத்தில் முடிவு வெளியிடப்படவுள்ளது குறிப்பிடத்தக்கது.
