தீபாவளி பண்டிகை முடிந்த நிலையில் தென் மாவட்டங்களில் இருந்து சென்னை திரும்பும் பயணிகளின் வசதிக்காக ராமநாதபுரம் – தாம்பரம் இடையே இன்று சிறப்பு ரயில் இயக்கப்படுகிறது.
அக்டோபர் மாதம் 31-ஆம் தேதி தீபாவளி பண்டிகையை பொதுமக்கள் வெகு விமரிசையாக கொண்டாடினர். இதனைத்தொடர்ந்து தென் மாவட்டங்களில் இருந்து சென்னை திரும்பும் பயணிகளின் வசதிக்காகவும், கூட்ட நெரிசலை தவிர்க்கும் விதமாகவும், அவ்வப்போது சிறப்பு ரயில் இயக்கப்பட்டு வருகிறது.
அந்த வகையில், இன்று ராமநாதபுரத்தில் இருந்து தாம்பரத்துக்கு இன்று சிறப்பு ரயில் இயக்கப்படுகிறது. மதியம் 3 மணிக்கு ராமநாதபுரத்தில் இருந்து புறப்படும் ரயில் பரமக்குடி, மானாமதுரை, காரைக்குடி, திருச்சி வழியாக இரவு 11 புள்ளி 40 மணியளவில் தாம்பரம் வந்தடையும் என தெரிவிக்கப்பட்டுள்ளது.
இதேபோல் மதுரையில் இருந்து இன்று இரவு 7.15 மணிக்கும், திருச்சியில் இருந்து இன்றிரவு 10.50 மணிக்கும் சென்னைக்கு முன்பதிவில்லா சிறப்பு ரயில் இயக்கப்படவுள்ளது. அதேபோல், ராமநாதபுரத்தில் இருந்து இன்று பிற்பகல் 3 மணிக்கு சிறப்பு ரயில் இயக்கப்படவுள்ளது.
