குன்னூர் ராணுவ முகாம் அருகே மரம் முறிந்து கார் மீது விழுந்த விபத்தில் கார் ஓட்டுநர் சம்பவ இடத்திலேயே உயிரிழந்தார்.
நீலகிரி மாவட்டம் குன்னூர் சுற்றுவட்டார பகுதிகளில் கடந்த சில நாட்களாக தொடர்ந்து மழை பெய்து வருகிறது. இந்நிலையில் குர்காஹில் பகுதியைச் சேர்ந்த ஜாகீர் என்பவர் தனது காரில் குன்னூருக்கு வந்திருந்தார்.
அப்போது ராணுவ முகாம் அருகே இருந்த மரம் முறிந்து காரின் மீது விழுந்து விபத்து ஏற்பட்டது. இதில் ஜாகீர் சம்பவ இடத்திலேயே உயிரிழந்தார்.
தகவல் அறிந்து அப்பகுதிக்கு சென்ற வெல்லிங்டன் போலீசார் மற்றும் தீயணைப்புத் துறையினர் மரத்தை அப்புறப்படுத்தி, காரில் இருந்த ஜாகீரின் உடலை கைப்பற்றி பிரேதப் பரிசோதனைக்காக அரசு மருத்துவமனைக்கு அனுப்பி வைத்தனர்.
