பாஜக ஆட்சிக்கு வந்தால் ஊழல் மற்றும் மாஃபியாக்கள் மூலம் இளைஞர்களின் எதிர்காலத்தை சிதைத்தவர்கள் சிறைக்கு செல்வார்கள் என பிரதமர் மோடி தெரிவித்துள்ளார்.
பொகாரோவில் நடைபெற்ற பொதுக்கூட்டத்தில் பிரதமர் மோடி பங்கேற்று பேசினார். அப்போது, ஜார்க்கண்ட் மாநிலத்தை முன்னேறிய மாநிலமாக மாற்ற திட்டமிட்டுள்ளதாகவும், தங்களுக்கு வாய்ப்பு வழங்கினால் ஜார்க்கண்ட் மாநிலத்தை முன்னேறிய மாநிலமாக விரைவில் மாற்றுவோம் என்றும் தெரிவித்தார்.
அதுமட்டுமின்றி, ஜேஎம்எம் மற்றும் காங்கிரஸ் கட்சியில் ஒளிந்து கொண்டிருக்கும் மாஃபியாக்கள் மீது கடும் நடவடிக்கை எடுக்கப்படும் எனவும் கூறினார்.
ஹரியானாவில் பாஜக என்ன செய்ததோ, அதேபோல் , ‘கார்ச்சி-பார்ச்சி’ இல்லாமல் ஆயிரக்கணக்கான இளைஞர்களுக்கு பாஜக வேலை வழங்கும் என்று கூறினார்.
முன்னதாக, ஹரியானாவில், மக்கள் பெரும் தொகையை செலுத்தி, வேலை பெற காத்திருக்க வேண்டியிருந்தது என்றும், ஆனால் அங்கு பாஜக ஆட்சி அமைத்ததும் அது காணாமல் போனதாகவும் தெரிவித்தார்.
“ஹரியானாவில் நாங்கள் ஆட்சி அமைத்தபோது ஆயிரக்கணக்கான இளைஞர்களுக்கு வேலை கொடுத்தோம். ஜார்க்கண்டில் பாஜக ஆட்சி அமைத்தால் அதையே செய்வோம் என பிரதமர் மோடி தெரிவித்தார்.
ஜார்கண்ட் இளைஞர்களின் எதிர்காலத்துடன் விளையாடும் இதுபோன்றவர்கள் சிறைக்கு அனுப்பப்படுவார்கள். பாஜக அரசாங்கம் அமைந்தவுடன், இந்த ஊழல்வாதிகளுக்கு கடுமையான தண்டனை வழங்குவோம் என்று உறுதியளிக்க விரும்புகிறேன் என பிரதமர் மோடி கூறினார்.
