மயிலாடுதுறையில் கனமழை காரணமாக மரம், மின்கம்பம் சரிந்து விழுந்ததில் நான்கு ஆட்டோக்கள் சேதமடைந்தன.
மயிலாடுதுறையில் கடந்த 4 நாட்களாக கனமழை பெய்து வருகிறது. இதனையொட்டி புதிய பேருந்து நிலையம் அருகே தூங்குமூஞ்சி மரம், மின்கம்பம் மீது விழுந்தது.
அதனைத்தொடர்ந்து, அப்பகுதியில் நிறுத்தி வைக்கப்பட்டிருந்த வாகனங்கள் மீது மரம், மின் கம்பம் அடுத்தடுத்து விழுந்ததில் 4 ஆட்டோக்கள் சேதமடைந்தன. இதனையடுத்து அங்கு சென்ற தீயணைப்புத்துறை வீரர்கள், மரத்தை அங்கிருந்து அப்புறப்படுத்தினர்.
