டெல்லி போக்குவரத்துத்துறை அமைச்சர் கைலாஷ் கெலாட் தனது பதவியை ராஜினாமா செய்வதாக அறிவித்துள்ளார்.
இதுதொடர்பாக அரவிந்த் கெஜ்ரிவாலுக்கு அவர் எழுதியுள்ள கடிதத்தில், ஆம் ஆத்மி கட்சி தற்போது பல சவால்களை சந்தித்து வருவதாக குறிப்பிட்டுள்ளார். பதவி மீது நாம் கொண்டுள்ள பற்றினால், பொதுமக்களுக்கு கொடுத்த வாக்குறுதிகள் நிறைவேற்றப்படாமல் உள்ளதாகவும் கடிதத்தில் தெரிவித்துள்ளார்.
ஷீஷ் மகால் குறித்து வெளியான வருந்தத்தக்க சர்ச்சைகள், கட்சி மீதான நம்பிக்கைக்கு பாதகமாக அமைந்துள்ளதாகவும் அவர் குறிப்பிட்டுள்ளார். மக்களுக்கு சேவை செய்ய விரும்புவதால் இந்த முடிவை எடுத்துள்ளதாக தெரிவித்துள்ள கைலாஷ், ஆம் ஆத்மி கட்சியின் அனைத்து பொறுப்புகளில் இருந்தும் விலகுவதாக அறிவித்துள்ளார்.
