கற்பனைக்கு எட்டாத வளர்ச்சியின் உயரங்களை ஒடிசா மாநிலம் விரைவில் எட்டும் என பிரதமர் மோடி தெரிவித்துள்ளார்.
ஒடிசா மாநிலம் புவனேஸ்வரில் நடந்த வணிக உச்சி மாநாட்டில் பிரதமர் மோடி கலந்து கொண்டார்.
அப்போது பேசிய அவர்,
சுற்றுச்சூழல் அமைப்பை உருவாக்க அரசு உழைத்து வருவதாகவும், அதற்காக ஒரு சிறப்பு நிதியும் உருவாக்கப்பட்டு உள்ளதாகவும் தெரிவித்தார். மூலப்பொருட்களை ஏற்றுமதி செய்வதால் மட்டுமே விரைவான வளர்ச்சி சாத்தியமில்லை எனவும் பிரதமர் மோடி கூறினார்.
ஒடிசாவின் வரலாற்றில் இது மிகப்பெரிய முதலீட்டாளர்கள் மாநாடாக அமையும் என கூறிய பிரதமர், 5 முதல் 6 மடங்கு அதிக முதலீட்டாளர்கள் பங்கேற்பதற்காக ஒடிசா அரசை வாழ்த்துவதாக கூறினார்.
தென்கிழக்கு ஆசியாவுடனான வர்த்தகத்தின் முக்கிய மையமாக ஒடிசா இருந்தது எனவும் அவர் கூறினார். மேலும், கற்பனைக்கு எட்டாத வளர்ச்சியின் உயரங்களை ஒடிசா மாநிலம் விரைவில் எட்டும் எனவும் பிரதமர் மோடி தெரிவித்தார்.
