அட்சய திருதியை தினமான இன்று தங்கம் விலை மாற்றமின்றி விற்பனை செய்யப்படும் நிலையில், கடந்த 5 ஆண்டுகளில் அட்சய திருதியன்று தங்கம் விலையின் நிலவரங்களை தற்போது பார்க்கலாம்.
சுப மங்களகர அட்சய திருதியை தினமான இன்று நகைகள் வாங்குவதற்காகப் பொதுமக்கள் ஆர்வத்துடன் நகைக் கடைகளில் குவிந்து வருகின்றனர். இந்தாண்டின் தொடக்கத்திலிருந்து கடும் உயர்வைச் சந்தித்த தங்கம் விலை, இன்று எவ்வித மாற்றமும் இன்றி சவரன் 71 ஆயிரத்து 840 ரூபாய்க்கு விற்பனை செய்யப்பட்டு வருகிறது.
கடந்தாண்டு அட்சய திருதியை தினத்தன்று ஒரு கிராம் தங்கம் 7 ஆயிரத்து 240 ரூபாய்க்கும், ஒரு சவரன் தங்கம் 57 ஆயிரத்து 920 ரூபாய்க்கும் விற்பனை செய்யப்பட்டது.
கடந்த 2023 ஆம் ஆண்டு அட்சய திருதியை தினத்தன்று ஒரு கிராம் தங்கம் 6 ஆயிரத்து 59 ரூபாய்க்கும், ஒரு சவரன் தங்கம் 48 ஆயிரத்து 472 ரூபாய்க்கும் விற்பனை செய்யப்பட்டது.
கடந்த 2022 ஆம் ஆண்டு அட்சய திருதியை தினத்தன்று ஒரு கிராம் தங்கம் 5 ஆயிரத்து 195 ரூபாய்க்கும், ஒரு சவரன் தங்கம் 41 ஆயிரத்து 560 ரூபாய்க்கும் விற்பனை செய்யப்பட்டது.
கடந்த 2021 ஆம் ஆண்டு அட்சய திருதியை தினத்தன்று ஒரு கிராம் தங்கம் 4 ஆயிரத்து 866 ரூபாய்க்கும், ஒரு சவரன் 38 ஆயிரத்து 928 ரூபாய்க்கும் விற்பனை செய்யப்பட்டது.
கடந்த 2020ஆம் ஆண்டு அட்சய திருதியை தினத்தன்று ஒரு கிராம் தங்கம் 4 ஆயிரத்து 717 ரூபாய்க்கும் ஒரு சவரன் 37 ஆயிரத்து 736 ரூபாய்க்கும் விற்பனை செய்யப்பட்டது.
