லக்னோ அணிக்கு எதிரான ஆட்டத்தில் பஞ்சாப் அணி 37 ரன்கள் வித்தியாசத்தில் வெற்றி பெற்றது.
ஐபிஎல் தொடரில் தர்மசாலாவில் நேற்று நடைபெற்ற மற்றொரு ஆட்டத்தில் பஞ்சாப் கிங்ஸ் – லக்னோ சூப்பர் ஜெயன்ட்ஸ் அணிகள் மோதின. முதலில் பேட்டிங் செய்த பஞ்சாப் அணி 5 விக்கெட் இழப்புக்கு 236 ரன்கள் எடுத்தது.
பின்னர் விளையாடிய லக்னோ அணி, 20 ஓவர் முடிவில் 7 விக்கெட் இழப்புக்கு 199 ரன்கள் மட்டுமே எடுத்தது. இதன்மூலம் பஞ்சாப் அணி 37 ரன்கள் வித்தியாசத்தில் வெற்றிபெற்று புள்ளிபட்டியலில் இரண்டாவது இடத்திற்கு முன்னேறியது.
