கர்நாடகாவில் தக் ஃலைப் திரைப்படம் வெளியாகாத நிலையில், ஓசூரில் உள்ள திரையரங்குகளில் படத்தைக் காணக் கமல் ரசிகர்கள் குவிந்தனர்.
கமலஹாசன் நடிப்பில் உருவான தக் லைஃப் திரைப்படம் உலகம் முழுவதும் வெளியான நிலையில், கன்னடம் மொழி குறித்த சர்ச்சையால் கர்நாடகாவில் இந்த திரைப்படம் வெளியாகிவில்லை.
கர்நாடகாவின் எல்லைப் பகுதியான ஓசூரில் உள்ள அனைத்து திரையரங்குகளிலும் தக் லைப் திரைப்படம் வெளியிடப்பட்டுள்ள நிலையில், கர்நாடக மாநில கமல் ரசிகர் மற்றும் நற்பணி மன்றங்களைச் சேர்ந்த சுமார் 500க்கும் மேற்பட்டோர் ஓசூரில் உள்ள பாலாஜி திரையரங்கில் குவிந்தனர்.
கிருஷ்ணகிரி மாவட்ட கமல் ரசிகர் மன்றத்தினர் ஏற்பாட்டின்படி கர்நாடகாவின் பல்வேறு பகுதிகளைச் சேர்ந்த கமல் ரசிகர்கள் சிறப்புக் காட்சியைக் கண்டு ரசித்தனர்.
முன்னதாக திரையரங்கு முன்பு கூடிய கமல் ரசிகர்கள் பட்டாசுகள் வெடித்தும், கமலின் பேனர்களுக்கு மலர்மாலைகள் அணிவித்தும் மகிழ்ச்சியை வெளிப்படுத்தினர்.
