தஞ்சாவூர் மாவட்டம் பாம்பப்படையூரில் திமுக எம்பி மகனுக்கு சொந்தமான குடிநீர் ஆலையில் போலி ISI முத்திரையுடன் கூடிய லேபிள்கள் பயன்படுத்தப்பட்டிருப்பது ஆய்வில் தெரியவந்துள்ளது.
பாம்பப்படையூரை சேர்ந்த திமுக எம்பி கல்யாணசுந்தரத்தின் மகன் முத்து செல்வம், அதே பகுதியில் குடிநீர் நிறுவனம் நடத்தி வந்தார். இந்த நிலையில், இவரது ஆலையில் போலி ISI முத்திரையுடன் கூடிய லேபிள்கள் பயன்படுத்தப்பட்டதாக புகார் எழுந்தது.
இதையடுத்து இந்திய தரநிலைகள் பணியகத்தின் மதுரை கிளை தலைவர் தயானந்த் தலைமையிலான குழுவினர், குடிநீர் ஆலையில் ஆய்வு நடத்தினர்.
அப்போது, பிரைன் அக்வா, ஆக்டிவ் அக்வா என வெவ்வேறு பிராண்ட் போலி ISI முத்திரையுடன் கூடிய லேபிள்கள் பாட்டில்களில் பயன்படுத்தப்பட்டது தெரியவந்தது.
இதையடுத்து 17 ஆயிரத்து 534 குடிநீர் பாட்டில்களை பறிமுதல் செய்த அதிகாரிகள், விளக்கம் கேட்டு எம்.பி. கல்யாணசுந்தரத்தின் மகன் முத்து செல்வத்துக்கு நோட்டீஸ் அனுப்பினர்.
