நடிகர் விஜய்யின் கடைசி படமான ஜனநாயகன் படத்தின் இசைவெளியீட்டு விழா, மலேசியாவில் சிறப்பாக நடைபெற்றது.
அரசியல் பிரவேசத்திற்கு பிறகு, விஜய் தனது திரை வாழ்க்கைக்கு முடிவு கட்டுவதாக அறிவித்துள்ளார். அதன்படி, ஹெச்.வினோத் இயக்கிய ஜனநாயகன் படமே அவரது கடைசி படம் என்று கருதப்படுகிறது.
பொங்கலுக்கு வெளியாகும் இப்படத்திற்காக விஜய் ரசிகர்கள் மிகுந்த உற்சாகத்துடன் காத்திருக்கின்றனர்.
இந்நிலையில், அனிருத் இசையமைத்த இப்படத்தின் இசைவெளியீட்டு விழா, மலேசியாவின் கோலாலம்பூரில் உள்ள புக்கீட் ஜலீல் மைதானத்தில் நடைபெற்றது.
இந்த நிகழ்வில் பல உச்ச நட்சத்திரங்களும், லட்சக்கணக்கான ரசிகர்களும் பங்கேற்றனர். இந்நிலையில், விஜயின் கடைசி படம் என்பதால், இந்த நிகழ்ச்சி வெறும் இசைவெளியீட்டு விழாவாக மட்டுமின்றி, விஜயின் திரைப்பயணத்தை கொண்டாடும் வகையிலும் அமைந்தது.
