கரூர் மாவட்ட ஆட்சியர் அலுவலக கூட்ட அரங்கில் அனைத்து அங்கீகரிக்கப்பட்ட அரசியல் கட்சி பிரதிநிதிகள் முன்னிலையில் இறுதி வாக்காளர் பட்டியல் வெளியீடு .
கரூர் மாவட்ட ஆட்சியர் அலுவலகத்தில் இறுதி வாக்காளர் பட்டியலை மாவட்ட ஆட்சியரும், தேர்தல் நடத்தும் அலுவலருமான தங்கவேல் அங்கீகரிக்கப்பட்ட அரசியல் கட்சிகள் பிரதிநிதிகள் முன்னிலையில் வெளியிட்டார்.
கரூர் மாவட்டத்தில் உள்ள நான்கு சட்டமன்ற தொகுதிகளில்
எஸ்.ஐ.ஆர் பணி நிறைவு பெற்ற பிறகு கடந்த வருடம் 12-ஆம் மாதம் சிறப்பு தீவிர திருத்தம் வாக்காளர் பட்டியல் வெளியிடப்பட்டது.
இதில் 79,690 பேர் நீக்கப்பட்டனர் மொத்த வாக்காளர் எண்ணிக்கை 8,18,672 ஆக இருந்தது அதன் பின்பு மீண்டும் பெயர் சேர்க்கை முகாம் நடைபெற்றது.
அதனை தொடர்ந்து இன்று இறுதி வாக்காளர் பட்டியலை கரூர் மாவட்ட ஆட்சியர் வெளியிட்டார்.
கரூர் சட்டமன்ற தொகுதியில் 2,26,584 , அரவக்குறிச்சி சட்டமன்ற தொகுதியில் 1,94,505 , கிருஷ்ணராயபுரம் சட்டமன்ற தொகுதியில் 2,02,087 , குளித்தலை சட்டமன்ற தொகுதியில் 2,21,988 என மொத்த வாக்காளர்களின் எண்ணிக்கை 8,45,164 வாக்காளர்கள் உள்ளனர்.
குறிப்பாக நான்கு சட்டமன்ற தொகுதிகளில்
எஸ்.ஐ.ஆர் பணிக்கு பிறகு 8,18,672 வாக்காளர்கள் இருந்த நிலையில் இறுதி வாக்காளர் பட்டியலில் வாக்காளர் எண்ணிக்கை உயர்ந்து 8,45,164 பேர் உள்ளனர்.
தூத்துக்குடியில் 13.76 லட்சம் வாக்காளர்கள்
தூத்துக்குடி மாவட்டத்தில் மொத்தம் 13.76 லட்சம் வாக்காளர்கள் உள்ளனர்
அங்கீகரிக்கப்பட்ட அரசியல் கட்சிகள் முன்னிலையில் இறுதி வாக்காளர் பட்டியலை வெளியிட்டார் ஆட்சியர் இளம் பகவத்
தூத்துக்குடி மாவட்டத்தில் உள்ள 6 சட்டமன்ற தொகுதிகளில் மொத்தம் 13,76,624 வாக்காளர்கள் உள்ளனர்
ஆண் வாக்காளர்கள் 6,71,742 பேர்; பெண் வாக்காளர்கள் 7,04,689 பேர், மூன்றாம் பாலினத்தவர்கள் 193 பேர் உள்ளனர்
தூத்துக்குடி மாவட்டம் முழுவதும் 1,864 வாக்குச்சாவடிகள் உள்ளன
