தமிழக வெற்றி கழகத்துடன் கூட்டணி அமைக்க எந்த முயற்சியும் செய்யவில்லை என மத்திய உள்துறை அமைச்சர் அமித் ஷா தெரிவித்துள்ளார்.
டெல்லியில் தனியார் தொலைக்காட்சி ஒன்றிற்கு நேர்காணல் அளித்த அவர், தமிழ்நாட்டில் அதிமுகவுடனான உறவு சகோதரத்துவ அடிப்படையில் வலுவாக இருப்பதாக தெரிவித்தார்.
தேசிய ஜனநாயக் கூட்டணியை பொறுத்தவரை மூத்த சகோதரர் போன்று அதிமுக செயல்படுவதாகவும், அதிமுகவுடன் நெருக்கமாக பணியாற்றி வருவதாகவும் கூறினார்
விஜய் கட்சியுடன் கூட்டணிப் பேச்சுவார்த்தை நடத்தவில்லை என்றும், தேசிய ஜனநாயக கூட்டணிக்கு தவெக வந்தால், தங்கள் வாக்கு வங்கியே பாதிக்கும் என்றும் தெரிவித்தார்.
தமிழகத்தில் ஆளுங்கட்சிக்கு எதிராக அதிருப்தி அலை வீசுவதாக கூறிய அமித்ஷா, தமிழகத்தில் தேசிய ஜனநாயக கூட்டணி அமோக வெற்றி பெறும் என நம்பிக்கை தெரிவித்தார்.
