பஹ்ரைனில் உள்ள அமேசான் தரவு மையத்தை குறிவைத்து ஈரான் தாக்குதல்!

பஹ்ரைனில் உள்ள அமேசான் தரவு மையத்தை குறிவைத்து ஈரான் தாக்குதல் நடத்தியதாக தகவல் வெளியாகியுள்ளது…

அமெரிக்கா மற்றும் இஸ்ரேலுக்கு உதவி செய்த 18 அமெரிக்க நிறுவனங்கள் மீது தாக்குதல் நடத்தப்படும் என ஈரான் எச்சரிக்கை விடுத்திருந்தது. இந்தப் பட்டியலில் டெஸ்லா, அமேசான், கூகுள், மைக்ரோஷாப்ட் உள்ளிட்ட நிறுவனங்கள் இடம்பெற்றிருந்தன.

இந்நிலையில் எச்சரிக்கை விடுத்தபடி பஹ்ரைனில் உள்ள அமேசான் தரவு மையம் மீது ஈரான் தாக்குதல் நடத்தியுள்ளதாக தகவல் வெளியாகியுள்ளது. இந்த தாக்குதலால் கட்டடம் சிதைந்துள்ளதாகவும், மின் இணைப்பு துண்டிக்கப்பட்டு உள்ளதாகவும் கூறப்படுகிறது. இதனால் வங்கிச் சேவைகள் மற்றும் விமான முன்பதிவு அமைப்புகள் பெரும் முடக்கத்தை சந்திக்கலாம் என அஞ்சப்படுகிறது.

இந்நிலையில் ஈரானின் இஸ்ஃபஹான் மாகாணத்தில் உள்ள IRGC ஏவுகணை கிடங்கு மீது அமெரிக்காவும் இஸ்ரேலும் இணைந்து தாக்குதல் நடத்தியுள்ளன. இதனால் கடும் புகை மூட்டத்துடன் தீப்பிழம்புகள் விண்ணை முட்டிய நிலையில் அதுதொடர்பான வீடியோ வெளியாகியுள்ளது.