மயிலாடுதுறையில் காங்கிரஸ் கட்சிக்குள் போஸ்டர் யுத்தம்!

மயிலாடுதுறையில் எம்பி சுதா மற்றும் காங்கிரஸ் தலைமைக்கு எதிராக ஒட்டப்பட்டுள்ள போஸ்டர்களால் கட்சிக்குள் சலசலப்பு ஏற்பட்டுள்ளது.

சட்டமன்ற தேர்தலில் திமுக கூட்டணியில் மயிலாடுதுறை தொகுதி காங்கிரஸ் கட்சிக்கு ஒதுக்கப்பட்டது. தொகுதியின் வேட்பாளராக ஜமால் முகமது யூனுஸ் என்பவர் அறிவிக்கப்பட்டார்.

இவர் தஞ்சை மாவட்டத்தை சேர்ந்தவர் என்பதால் கட்சியினர் கடும் அதிருப்தியில் இருந்து வந்தனர்.

இந்நிலையில் வேட்பாளர் தேர்வில் மயிலாடுதுறை எம்பி சுதாவின் பரிந்துரை இருப்பதாக காங்கிரஸ் கட்சியினர் குற்றம் சாட்டியுள்ளனர்.

மேலும் சுதா மற்றும் காங்கிரஸ் தலைமையை கண்டித்து மயிலாடுதுறை முழுவதும் போஸ்டர் ஒட்டப்பட்டுள்ளதால் கட்சிக்குள் சலசலப்பு ஏற்பட்டுள்ளது.