தவெக தலைவர் விஜய் அரசியலில் இன்னும் பார்க்க வேண்டியது அதிகம் உள்ளது என பாஜக தேசிய தலைவர் நிதின் நபின் தெரிவித்துள்ளார்.
ஏஎன்ஐ செய்தி நிறுவனத்திற்கு அவர் அளித்த பேட்டியில், பாஜக தலைமை மீது அண்ணாமலைக்கு எந்த மனக்கசப்பும் இல்லை எனவும் அவர் பாஜக வேட்பாளர்களை ஆதரித்து மகிழ்ச்சியுடன் பிரசாரம் செய்து வருவதாகவும் குறிப்பிட்டார்.
தவெக தலைவர் விஜய்யுடன் நாங்கள் ஏன் கூட்டணி அமைக்க வேண்டும் என கேட்ட நிதின் நபின், பாஜக ஏற்கெனவே அதிமுகவுடன் கூட்டணியில் உள்ளது என தெரிவித்தார்.
அரசியலில் ஈடுபடுபவர்கள் முழுநேரமும் தன்னை அர்ப்பணித்துக்கொள்ள வேண்டும் எனவும், களத்தில் விஜய் எவ்வளவு நேரம் செலவிடுகிறார் என்பதை பொறுத்தே எல்லாம் அமையும் எனவும் குறிப்பிட்டார்.
தமிழ்நாடு மற்றும் மேற்குவங்க சட்டமன்றத் தேர்தல் முடிவுகள் அனைவரையும் ஆச்சரியப்படுத்தும் எனவும், தமிழ்நாட்டில் ஒரு மிகப்பெரிய மாற்றம் வரப்போகிறது எனவும் நிதின் நபின் தெரிவித்தார்.
