ஐபிஎல் தொடரில் மும்பைக்கு எதிரான ஆட்டத்தில், 244 என்ற இமாலய இலக்கை 18.4 ஓவர்களில் கடந்து ஹைதராபாத் அணி அசத்தியுள்ளது.
மும்பை வாங்கடே மைதானத்தில் நடைபெற்ற இந்த போட்டியில் டாஸ் வென்ற மும்பை அணி முதலில் பேட்டிங் செய்ய தீர்மானித்தது. தொடக்கம் முதலே அதிரடியாக விளையாடிய மும்பை வீரர்கள், ரன் குவிப்பில் ஈடுபட்டனர். அதன் காரணமாக அந்த அணி 20 ஓவர்கள் முடிவில், 5 விக்கெட்டுகள் இழப்புக்கு 243 ரன்கள் எடுத்தது.
அதிகபட்சமாக அந்த அணி வீரர் ரிக்கல்டன் 55 பந்துகளில் 123 ரன்கள் குவித்தார். தொடர்ந்து 244 ரன்கள் எடுத்தால் வெற்றி என்ற சவாலான இலக்குடன் களமிறங்கிய ஹைதராபாத் அணி வீரர்களும், சிக்ஸர் மழை பொழிந்து ரசிகர்களை உற்சாகத்தில் ஆழ்த்தினர்.
இதனால் அந்த அணி 18.4 ஓவர்களில் வெற்றி இலக்கை கடந்து 249 ரன்கள் எடுத்து வெற்றி பெற்றது. அதிகபட்சமாக டிராவிஸ் ஹெட் 76 ரன்களும், கிளாஸன் 65 ரன்களும், அபிஷேக் ஷர்மா 45 ரன்களும் எடுத்து அணியின் வெற்றிக்கு வழிவகுத்தனர். இதன் மூலம் தொடர்ச்சியாக 5-வது வெற்றியை பதிவு செய்த ஹைதராபாத் அணி புள்ளி பட்டியலில் 3-வது இடத்திற்கு முன்னேறியது.
