கேரளாவில் காங்கிரஸ் கூட்டணி ஆட்சி – தேர்தலுக்கு பிந்தைய கருத்துக்கணிப்பில் தகவல்!

கேரளாவில் காங்கிரஸ் கூட்டணி ஆட்சியை கைப்பற்ற வாய்ப்பு உள்ளதாகவும்,
மொத்தமுள்ள 140 தொகுதிகளில் 70 முதல் 80 இடங்களைக் கைப்பற்றும் என்றும் கருத்துக்கணிப்பில் தெரியவந்துள்ளது.

தேர்தலுக்கு பிந்தைய கருத்துக்கணிப்பில் வெளியாகியுள்ளன. அதன்படி, CNN- News 18 கருத்துக்கணிப்பில், கேரளாவில் இடதுசாரி ஜனநாயக முன்னணி 58 முதல் 68 இடங்களும், காங்கிரஸ் தலைமையிலான ஐக்கிய ஜனநாயக முன்னணி 70 முதல் 80 இடங்கள் வரையும், என்.டி.ஏ. கூட்டணி 4 இடங்கள் வரையிலும் கைப்பற்றும் என்று தெரிவிக்கப்பட்டுள்ளது.

P-Marq வெளியிட்டுள்ள கருத்துக்கணிப்பில், இடதுசாரி ஜனநாயக முன்னணி 62 முதல் 69 இடங்களும், காங்கிரஸ் தலைமையிலான ஐக்கிய ஜனநாயக முன்னணி 71 முதல் 79 இடங்கள் வரையும், என்.டி.ஏ. கூட்டணி ஒன்று முதல் 4 இடங்கள் வரையிலும் கைப்பற்றும் என்று கூறப்பட்டுள்ளது.

Peoples Pulse வெளியிட்டுள்ள கருத்துக்கணிப்பில் கேரளாவில் இடதுசாரி ஜனநாயக முன்னணி 55 முதல் 65 இடங்களும், காங்கிரஸ் தலைமையிலான ஐக்கிய ஜனநாயக முன்னணி 75 முதல் 85 இடங்கள் வரை கைப்பற்றும் என்று கூறப்பட்டுள்ளது. என்.டி.ஏ. கூட்டணி 3 இடங்கள் வரை கைப்பற்றும் என்று கூறப்பட்டுள்ளது.

JVC வெளியிட்டுள்ள கருத்துக்கணிப்பில் இடதுசாரி ஜனநாயக முன்னணி 52 முதல் 61 இடங்கள் கைப்பற்றும் என்று தெரிவிக்கப்பட்டுள்ளது. காங்கிரஸ் தலைமையிலான ஐக்கிய ஜனநாயக முன்னணி 72 முதல் 84 இடங்கள் வரை கைப்பற்றும் என்றும் தெரியவந்துள்ளது. என்.டி.ஏ. கூட்டணி 3 முதல் 7 இடங்கள் வரை கைப்பற்றும் என்றும் கருத்துக்கணிப்பில் கூறியுள்ளது.