திருச்சி கிழக்கு தொகுதி எம்எல்ஏ பதவியை விஜய் ராஜினாமா செய்த நிலையில், அங்கு போட்டியிட உள்ள தவெக வேட்பாளர் யார் என எதிர்பார்ப்பு எழுந்துள்ளது. முதலமைச்சராக பதவியேற்ற விஜய் பெரம்பூர் எம்எல்ஏ பதவியை தக்கவைத்துக் கொண்டு, திருச்சி கிழக்கு தொகுதி எம்எல்ஏ பதவியை ராஜினாமா செய்தார்.
இதனையடுத்து திருச்சி கிழக்கு தொகுதியில் தவெக சார்பில் போட்டியிட உள்ள வேட்பாளர் யார் என எதிர்பார்ப்பு எழுந்துள்ளது.
இந்நிலையில் லால்குடி தொகுதியில் போட்டியிட்டு தோல்வியடைந்த கு.ப.கிருஷ்ணன் அல்லது அவரது மகன் சிரஞ்சீவி ஆகியோர் திருச்சி கிழக்கில் தவெக சார்பில் போட்டியிட வாய்ப்புள்ளதாக கூறப்படுகிறது.
இதே போல முன்னாள் ஐஏஎஸ் அதிகாரி சகாயம் அல்லது விஜய் மக்கள் இயக்க முன்னாள் நிர்வாகி R.K.ராஜா திருச்சி கிழக்கில் தவெக சார்பில் நிறுத்தப்பட வாய்ப்புள்ளதாகவும் கூறப்படுகிறது. மொத்தம் 4 பேரின் பெயர்கள் பரிசீலனையில் உள்ள நிலையில், முதலமைச்சர் விஜய் யாரை தவெக சார்பில் திருச்சி கிழக்கு தொகுதியில் போட்டியிட தேர்வு செய்வார்? என தொண்டர்கள் மத்தியில் எதிர்பார்ப்பு எழுந்துள்ளது.
