உத்தரப்பிரதேசத்தில் வக்ஃபு ஆவணங்களில் குளறுபடி கண்டறியப்பட்டதால், 31,328 சொத்துகளின் பதிவை மாநில அரசு அதிரடியாக ரத்து செய்துள்ளது.
இஸ்லாமியர்கள் அறப்பணிக்கு நன்கொடையாக அளிக்கும் சொத்துகளை வக்ஃபு வாரியம் நிர்வகித்து வரும் நிலையில், அதற்கான சட்டத்தில் மத்திய அரசு கடந்த ஆண்டில் திருத்தம் செய்தது.
அதன்படி, வக்ஃபு சொத்துகளை பதிவு செய்ய உமீத் என்ற பெயரில் மத்திய அரசு இணையதளத்தை தொடங்கியது.
உத்தரப்பிரதேசத்தில் உமீத் இணைய பக்கத்தில் பதிவேற்றம் செய்யப்பட்ட வக்ஃபு சொத்துகளை மாநில அரசு ஆய்வுக்கு உட்படுத்தியபோது, 31,328 சொத்துகளின் நில எண், பரப்பளவு மற்றும் உரிமை ஆவணங்களில் முரண்பாடு கண்டறியப்பட்டதால், அவற்றின் பதிவை மாநில அரசு ரத்து செய்துள்ளது.
மேலும், அதனுடன் தொடர்புடைய 31 ஆயிரத்துக்கும் அதிகமான வக்ஃபு கோரிக்கைகளும் நிராகரிக்கப்பட்டுள்ளன.
