அயோத்தி ராமர் கோயில் நன்கொடை முறைகேடு வழக்கில் கைதானவர்களுக்கு ஆதரவாக எந்த வழக்கறிஞரும் நீதிமன்றத்தில் ஆஜராகக் கூடாது என்று அயோத்தி வழக்கறிஞர்கள் சங்கம் ஒருமனதாக தீர்மானம் நிறைவேற்றியுள்ளது.
உத்தரப் பிரதேச மாநிலம், அயோத்தியில் உள்ள ராமர் கோயில் நன்கொடை நிதியில் முறைகேடு நடந்ததாக எழுந்த குற்றச்சாட்டைத் தொடர்ந்து, மாநில அரசு 3 பேர் கொண்ட சிறப்பு புலனாய்வுக் குழுவை அமைத்து விசாரணை மேற்கொண்டது. அந்த விசாரணையின் அடிப்படையில், அறக்கட்டளையின் முன்னாள் பொதுச்செயலாளர் சம்பத் ராய் உள்ளிட்ட 8 பேர் கைது செய்யப்பட்டனர்.
அவர்களது வீடுகளில் நடத்தப்பட்ட சோதனையில், 80 லட்சம் ரூபாய் ரொக்கம் மற்றும் முக்கிய ஆவணங்கள் பறிமுதல் செய்யப்பட்டதாக அதிகாரிகள் தெரிவித்தனர். இந்நிலையில் இந்த வழக்கில் கைதானவர்களுக்கு ஆதரவாக எந்த வழக்கறிஞரும் நீதிமன்றத்தில் ஆஜராகக் கூடாது என்றும், அந்த முடிவை மீறுவோருக்கு 5 லட்சம் ரூபாய் அபராதம் விதிக்கப்படும் என்றும் அயோத்தி வழக்கறிஞர்கள் சங்கம் ஒருமனதாக தீர்மானம் நிறைவேற்றியுள்ளது.
