தவெகவுக்கு ஆதரவு அளிக்க நாங்கள் யாரிடமும் அனுமதி பெற வேண்டிய அவசியமில்லை என விசிக தலைவர் திருமாவளவன் காட்டம் தெரிவித்துள்ளார்.
சென்னையில் நடைபெற்ற நிகழ்ச்சியில் பேசிய அவர், தோழமை கட்சி என்பதால் தவெகவுக்கு ஆதரவு அளிப்பது குறித்து தெரிவித்தோம் என்றும், அதற்கு திமுக எதிர்ப்பு தெரிவிக்கவில்லை என தெரிவித்தார்.
அமைச்சரவையில் பங்கேற்பது என்ற முடிவை தெரிவிக்க முயன்ற போது திமுக தலைவர் ஸ்டாலினை தொடர்பு கொண்ட போது அவரை தொடர்பு கொள்ள முடியவில்லை என்றும் அவர் கூறினார்.
தீயசக்தி என்று கூறிவிட்டு முதல்வர் ஏன் ஸ்டாலினை சந்தித்தார் என்றும், அவரை ஏன் ஸ்டாலின் வரவேற்றார் என்றும் திருமாவளவன் கேள்வி எழுப்பினார்.
