மதுராந்தகம் மற்றும் தாராபுரம் இடைத்தேர்தலுக்கான இறுதி வேட்பாளர் பட்டியல் வெளியாகியுள்ளது.
மதுராந்தகம், தாராபுரம் தொகுதிகளுக்கு வரும் அக்டோபர் 6ஆம் தேதி இடைத்தேர்தல் நடைபெற உள்ளது. இரு தொகுதிகளிலும் தவெக, திமுக, அதிமுக, நாம் தமிழர் கட்சி, இடதுசாரிகள் என, 5 முனை போட்டி ஏற்பட்டுள்ளது.
மதுராந்தகம் தொகுதியில் போட்டியிட 40 பேரும், தாராபுரம் தொகுதியில் போட்டியிட, 39 பேரும் வேட்புமனு தாக்கல் செய்திருந்தனர்.
இந்நிலையில், இடைத்தேர்தலுக்கான இறுதி வேட்பாளர் பட்டியலை தேர்தல் ஆணையம் வெளியிட்டுள்ளது. அதன்படி, மதுராந்தகம் தொகுதியில் அரசியல் கட்சிகளை சேர்ந்த 10 பேர், சுயேட்சை வேட்பாளர்கள் 17 பேர் என 27 பேர் போட்டியில் உள்ளனர்.
இதேபோன்று, தாராபுரத்தில் தேர்தல் அதிகாரியின் பரிசீலனைக்குப் பிறகு 22 வேட்பு மனுக்கள் ஏற்கப்பட்டுள்ளன.
புதுச்சேரி தட்டாஞ்சாவடி தொகுதியில் 11 பேர் இடையே போட்டி நிலவுகிறது.
