சேலம் அம்மாபேட்டை அன்னை தெரசா அறக்கட்டளை நிதி மோசடி விவகாரத்தில், பாதிக்கப்பட்ட மக்கள் ஜெபக்கூடத்தை சூறையாடியதால் பரபரப்பு நிலவியது.
அம்மாபேட்டையில், அன்னை தெரசா அறக்கட்டளை என்ற பெயரில் நிதி நிறுவனம் நடத்தி ஆயிரத்திற்கும் மேற்பட்ட மக்களிடம், பல கோடி ரூபாய் மோசடி செய்ததாக புகார்கள் எழுந்துள்ளன.
பாதிக்கப்பட்ட மக்கள், 14வது நாளாக தேவாலயத்தில் உள்ளிருப்பு போராட்டத்தில் ஈடுபட்டனர். இந்த விவகாரம் தொடர்பாக அதிகாரிகள் தங்களிடம் பேச்சுவார்த்தை நடத்தவில்லை என்று குற்றம் சாட்டினனர்.
இந்நிலையில் அறக்கட்டளையால் ஏமாற்றப்பட்ட நபர்கள், ஜெபக்கூடத்தில் இருந்த நாற்காலிகள், ஸ்பீக்கர் மற்றும் மேஜைகளை அடித்து நொறுக்கினர்.
