ஃப்ளைதுபாய் விமானத்தில் தாக்குதலை எதிர்கொண்டு, 174 பேரின் உயிரைக் காப்பாற்றிய இந்திய விமானி ஸ்மித் மச்சாருக்கு இஸ்ரேல் பிரதமர் பெஞ்சமின் நெதன்யாகு பாராட்டு தெரிவித்துள்ளார்.
அவர் வெளியிட்டுள்ள சமூக வலைத்தளப் பதிவில், அசாதாரண துணிச்சலை வெளிப்படுத்திய இந்திய விமானி ஸ்மித் மச்சாருக்கு தம்முடைய பாராட்டுகள் என குறிப்பிட்டுள்ளார்.
கத்தியால் குத்தப்பட்டு பலத்த காயமடைந்த நிலையிலும், தாக்குதல் நடத்தியவரை எதிர்த்து மச்சார் போராடியதால் நடுவானில் ஏற்பட இருந்த மிகப்பெரிய விமான விபத்து தவிர்க்கப்பட்டதாக குறிப்பிட்டுள்ள நெதன்யாகு, மச்சார் உண்மையான ஹீரோ என்று பாராட்டியுள்ளார். அவர் விரைவில் முழுமையாக குணமடையவும் நெதன்யாகு வாழ்த்து தெரிவித்துள்ளார்.
