ஃபிளை துபாய் விமானத்தில் தாக்குதலில் ஈடுபட்ட துணை விமானி, தீவிரவாத கருத்துகளால் Oman Air நிறுவனத்தில் டிஸ்மிஸ் செய்யப்பட்டது உள்ளிட்ட பல்வேறு திடுக்கிடும் தகவல்கள் வெளியாகி உள்ளன.
துபாயில் இருந்து டெல் அவிவ் சென்ற விமானத்தை விபத்துக்குள்ளாக்க மேற்கொள்ளப்பட்ட முயற்சி தொடர்பாக பல்வேறு தகவல்கள் வெளியாகி வருகின்றன. அந்த வகையில் ஃபிளை துபாய் விமானத்தில் தாக்குதலில் ஈடுபட்ட துணை விமானி ஓமன் நாட்டை சேர்ந்தவர் என்பது தெரியவந்துள்ளது.
இஸ்ரேல் உடன் ஓமன் நாடு நல்லுறவில் இல்லாத நிலையில் அந்நாட்டை சேர்ந்தவர் துணை விமானியாக பணியாற்றியது விசாரணையில் அம்பலமாகி உள்ளது.
இந்திய கேப்டன் ஸ்மித் மச்சாரை தாக்கிய துணை விமானி ஓமன் நாட்டை சேர்ந்த ஹமாம் அல்-ஹம்மாமி என்றும், தாக்குதலில் ஈடுபட்ட துணை விமானி 2024-2025 காலகட்டத்தில் Oman Air நிறுவனத்தில் பணியாற்றியதும் தெரியவந்ததுள்ளது.
பயிற்சி துணை விமானியாக பணியாற்றியபோது ஹமாம் அல்-ஹம்மாமி தீவிரவாத கருத்துகளை கொண்டிருந்ததாகவும், அவரிடம் தீவிரவாத பொருட்கள் இருந்தது கண்டுபிடிக்கப்பட்டதால் அவர் பணி நீக்கம் செய்யப்பட்டதாகவும் கூறப்படுகிறது.
போதிய பின்னணி விசாரணை இல்லாமல் ஃபிளை துபாய் நிறுவனத்தில் அவர் பணியமர்த்தப்பட்டது தற்போது தெரியவந்ததுள்ளது. மேலும், விமானத்தில் தாக்குதலில் ஈடுபட்ட ஹமாம் அல்-ஹம்மாமி தாயார் சிரியாவை சேர்ந்தவர் என அரபு ஊடகங்கள் செய்தி வெளியிட்டுள்ளன.
