ஆசிய விளையாட்டு கிரிக்கெட்டில் தங்கப் பதக்கம் வென்று சாதனை படைத்த இந்திய ஆடவர் அணிக்கு முதலமைச்சர் ஜோசப் விஜய் வாழ்த்து தெரிவித்துள்ளார்.
ஜப்பானில் நடைபெற்றுவரும் 20-வது ஆசிய விளையாட்டுப் போட்டிகளில், ஆடவர் கிரிக்கெட் பிரிவில் தங்கப் பதக்கம் வென்று சாதனை படைத்துள்ள இந்திய ஆடவர் அணிக்கு முதலமைச்சர் விஜய் வாழ்த்து தெரிவித்துள்ளார். அந்த அணியில்
இடம்பெற்றுள்ள தமிழ்நாட்டைச் சேர்ந்த கிரிக்கெட் வீரர் வாஷிங்டன் சுந்தருக்கும் வாழ்த்து மற்றும் பாராட்டுகளை தெரிவித்துக் கொள்வதாக குறிப்பிட்டுள்ளார்.
வாஷிங்டன் சுந்தரின் சாதனையைப் பாராட்டி, தமிழக அரசின் சார்பில் உயரிய ஊக்கத்தொகையாக 75 லட்சம் ரூபாய் வழங்கப்படும் என்றும் அறிவித்துள்ளார். அவரது வெற்றி இளைய தலைமுறையினருக்கு புதிய உத்வேகத்தையும், நம்பிக்கையையும் அளிக்கும் என்றும், வாஷிங்டன் சுந்தர் கிரிக்கெட் போட்டிகளில் சிறப்பாக விளையாடி மேலும் பல சாதனைகள் படைக்க வாழ்த்துவதாகவும் முதலமைச்சர் விஜய் குறிப்பிட்டுள்ளார்.
