திருப்பரங்குன்றம் தீபத்தூணில் தீபம் ஏற்ற வலியுறுத்தல் – சென்னையில் இந்து முன்னணி ஆர்பாட்டம்!

திருப்பரங்குன்றம் தீபத்தூணில் தீபம் ஏற்ற வலியுறுத்தி சென்னையில் இந்து முன்னணி சார்பில் ஆர்ப்பாட்டம் நடைபெற்றது.

திருப்பரங்குன்றம் மலை உச்சியில் உள்ள தீபத்தூணில் தீபம் ஏற்ற வலியுறுத்தி, சென்னையில் 19 இடங்களில் இந்து முன்னணி சார்பில் கவன ஈர்ப்பு ஆர்பாட்டம் நடைபெற்றது.

இந்து முன்னணி தென்சென்னை மாவட்ட தலைவர் செந்தில் தலைமையில், தியாகராய நகர் பேருந்து நிலையம் அருகிலும், மத்திய சென்னை மாவட்ட இந்து முன்னணி சார்பில் பாலாஜி தலைமையில் ஆயிரம் விளக்கு பகுதியிலும் ஆர்ப்பாட்டம் நடைபெற்றது.

திருப்பரங்குன்றம் தீபத்தூண் விவகாரத்தில் நீதிமன்ற உத்தரவுகளை தமிழக அரசு நடைமுறைப்படுத்த வேண்டும் எனறும், தீபத்தூணில் தீபம் ஏற்ற நடவடிக்கை எடுக்க வேண்டும் எனவும் ஆர்ப்பாட்டத்தில் பங்கேற்ற இந்து முன்னணி நிர்வாகிகள், தொண்டர்கள் முழக்கம் எழுப்பினர்.