திண்டுக்கல் மாவட்டம் கொடைக்கானலில் தொடர்ந்து 3ஆவது நாளாக நீடித்த போக்குவரத்து நெரிசலால் சுற்றுலாப் பயணிகள் கடும் அவதிக்குள்ளாகினர்.
தொடர் விடுமுறை காரணமாக கொடைக்கானலில் ஏராளமான சுற்றுலாபயணிகள் குவிந்துள்ள நிலையில், நகரின் முக்கிய சாலைகளில் வாகனங்கள் நீண்ட வரிசையில் காத்திருக்க வேண்டிய நிலை ஏற்பட்டுள்ளது.
இதனால் சுற்றுலா தலங்களுக்கு செல்வதில் தாமதம் ஏற்படுவதுடன், ஒரே இடத்தில் நீண்ட நேரம் வாகனங்களில் காத்திருக்கும் சூழலும் நிலவுகிறது. விடுமுறை நாட்களில் போக்குவரத்து போலீசாரை கூடுதலாக பணியில் அமர்த்தி, வாகன நெரிசல் பிரச்னைக்கு நிரந்தர தீர்வு காண வேண்டும் என சுற்றுலா பயணிகளும், உள்ளூர் மக்களும் கோரிக்கை விடுத்துள்ளனர்.
