தமிழகத்தில், 26 கிலோ அரிசி மூட்டை விலை, இரண்டாயிரத்து 100 ரூபாயாக அதிகரித்துள்ளதால், பொதுமக்கள் கடும் அதிர்ச்சியில் உறைந்துள்ளனர்.
நடப்பாண்டு ஜனவரி துவக்கத்தில், 26 கிலோ எடை உள்ள சன்ன ரக அரிசி மூட்டை, மொத்த விற்பனையில், ஆயிரத்து 100 முதல், ஆயிரத்து 350 ரூபாய் வரை விற்கப்பட்டது.
சன்ன ரக அரிசி மூட்டை விலை படிப்படியாக அதிகரித்து தற்போது, ஆயிரத்து 400 முதல் ஆயிரத்து 900 ரூபாய் வரை விற்பனை செய்யப்படுகிறது.
மாநிலம் முழுவதும் சில்லறை விற்பனை கடைகளில், 26 கிலோ அரிசி மூட்டை, ஆயிரத்து 800 ரூபாயில் இருந்து இரண்டாயிரத்து 100 ரூபாய்க்கு மேல் விற்பனை செய்யப்படுகிறது.
சில குறிப்பிட்ட, ‘பிராண்ட்’ அரிசி மூட்டைகள், இரண்டாயிரத்து 250 ரூபாய்க்கும் விற்பனை செய்யப்படுகின்றன.
மொத்த விலையில், ஒரு கிலோ அரிசி, இரண்டு ரூபாயில் இருந்து மூன்று ரூபாய் வரை அதிகரித்து உள்ளது.
தமிழகத்தின் வழியாக அரிசி ஏற்றுமதியை கட்டுப்படுத்தினால் மட்டுமே, விலை நிலையாக இருப்பதற்கான வாய்ப்புகள் உள்ளன.
இதேநிலை தொடர்ந்தால், மேலும், 10 சதவீதம் வரை அரிசி விலை உயர வாய்ப்புள்ளதாக தெரியவந்துள்ளது.
