தாராபுரம் இடைத்தேர்தல் பிரச்சாரத்தில் குழந்தைகளை பயன்படுத்தியதாக எதிர்க்கட்சித் தலைவர் உதயநிதி ஸ்டாலின் மீது வழக்குப்பதிவு செய்யப்பட்டுள்ளது.
தேர்தல் தொடர்பான எந்தவொரு நடவடிக்கைகளிலும் குழந்தைகளை ஈடுபடுத்தக்கூடாது என தேர்தல் ஆணையம் அறிவுறுத்தியுள்ளது.
இந்நிலையில், தாராபுரம் டவுன், பெரியார் சிலை அருகே நடைபெற்ற தேர்தல் பிரச்சாரக் கூட்டத்தில் உதயநிதி பங்கேற்றார்.
அப்போது, குழந்தையை பேச வைத்ததுடன், தேர்தல் பிரச்சாரத்திற்கும் குழந்தையை பயன்படுத்தியதாக திருப்பூர் மாவட்ட காவல்துறை தரப்பில் தெரிவிக்கப்பட்டுள்ளது.
மேலும், தமிழக முதலமைச்சரை அவமதிக்கும் வகையில் குழந்தையை வைத்து பேச வைத்ததாகவும் காவல்துறை குறிப்பிட்டுள்ளது.
இதுதொடர்பாக தாராபுரம் காவல் நிலையத்தில் உதயநிதி மீது வழக்குப்பதிவு செய்யப்பட்டு விசாரணை நடைபெற்று வருவதாக திருப்பூர் மாவட்ட காவல்துறை தெரிவித்துள்ளது.
