கடந்த பொதுத் தேர்தலில் கைப்பற்றிய மதுராந்தகம், தாராபுரம் தொகுதிகளை இடைத்தேர்தலில் அதிமுக இழந்துள்ளது.
கடந்த ஏப்ரலில் நடைபெற்ற பொதுத் தேர்தலில் மதுராந்தகம் தொகுதியில் அதிமுக 69 ஆயிரத்து 284 வாக்குகளுடன் வெற்றி பெற்றது. இந்நிலையில் இடைத்தேர்தலில் வெறும் 47 ஆயிரத்து 450 வாக்குகள் மட்டுமே பெற்றுள்ளது.
62 ஆயிரத்து 90 வாக்குகளுடன் இரண்டாம் இடம்பிடித்திருந்த தவெக, இடைத்தேர்தலில் 74 ஆயிரத்து 48 வாக்குகள் பெற்று மதுராந்தகம் தொகுதியை கைப்பற்றியுள்ளது.
மேலும், 59 ஆயிரத்து 838 வாக்குகள் பெற்றிருந்த திமுக, தற்போது 54 ஆயிரத்து 8 வாக்குகளை மட்டுமே பெற்றுள்ளது.
அதேபோல் தாராபுரம் தொகுதியில் கடந்த பொதுத் தேர்தலில் அதிமுக 81 ஆயிரத்து 100 வாக்குகள் பெற்றது. ஆனால் தற்போது நடந்து முடிந்த இடைத்தேர்தலில் 35 ஆயிரத்து 820 வாக்குகளை இழந்து 3ம் இடத்திற்கு தள்ளப்பட்டுள்ளது.
64 ஆயிரத்து 373 வாக்குகளை பெற்றிருந்த திமுக, இடைத்தேர்தலில் 7 ஆயிரத்து 3 வாக்குகளை இழந்து தோல்வியை தழுவியுள்ளது.
தவெக வேட்பாளர் கடந்த தேர்தலில் வெறும் 46 ஆயிரத்து 438 வாக்குகள் மட்டுமே பெற்றிருந்த நிலையில், இடைத்தேர்தலில் 20 ஆயிரத்து 404 வாக்குகள் அதிகம் பெற்று வெற்றி வாகை சூடியுள்ளார்
