இடைத்தேர்தல் வெற்றி பெண்கள் மீதான அவதூறு பேச்சுக்கு எதிரான வெற்றி என முதலமைச்சர் ஜோசப் விஜய் தெரிவித்துள்ளார்.
இதுகுறித்து எக்ஸ் தளத்தில் பதிவிட்டுள்ள அவர், மக்கள் மனதில் தவெகவிற்கு உள்ள முதன்மை சக்திக்கான முதலிடமும், மக்களாட்சி மீதான விருப்பமும் மீண்டும் நிரூபிக்கப்பட்டு உள்ளதாக கூறியுள்ளார்.
திருமங்கலம், ஈரோடு கிழக்கு ஃபார்முலா என்று எதுவும் இல்லாமல் அன்பு, பாச, உறவு ஃபார்முலா மற்றும் ஜனநாயகம் காக்கும் ஃபார்முலாவை வைத்து வென்ற தேர்தல் இது எனவும் கூறியுள்ளார்.
தமிழக இடைத்தேர்தல் வரலாற்றில் இதுவரை இல்லாத வகையில் பணநாயக சூத்திரத்தையே அடித்து நொறுக்கிப் பெற்றுள்ள வெற்றி எனவும்
பேரங்கள் நடந்ததாக அவதூறு பேசியவர்களுக்கு மக்கள் தகுந்த பதிலடியை தரமாக கொடுத்துள்ளனர் எனவும் முதலமைச்சர் விஜய் தெரிவித்துள்ளார்.
இது தனிப்பட்ட விஜய்யின் வெற்றியோ, தமிழக வெற்றிக் கழகத்தின் வெற்றியோ அல்ல; முழுக்க முழுக்க பெண்கள் மீதான அவதூறு பேச்சுக்கு எதிரான வெற்றி எனவும் கூறியுள்ளார்.
அப்பழுக்கற்ற தலைவர்களுக்கும் அவர்களின் தொண்டர்களுக்கும் செய்த துரோகத்திற்கு எதிரான வெற்றி என கூறியுள்ள முதலமைச்சர் விஜய்,
இனி வரப்போகும் வெற்றிகளுக்கும் சேர்த்து இப்போதே நன்றி எனவும் குறிப்பிட்டுள்ளார்…
