தவெக எனும் தற்காலிக வெற்றிக் கழகத்தின் சோதனையையும் அதிமுக முறியடிக்கும் என அக்கட்சியின் பொதுத் செயலாளர் எடப்பாடி பழனிசாமி சூளுரைத்துள்ளார்.
இதுகுறித்து அவர் வெளியிட்டுள்ள அறிக்கையில், இடைத்தேர்தலில் பணபலம், அதிகார பலம், ஆள் பலத்துடன் அனைத்து அமைச்சர்களையும் தவெக களம் இறக்கியதாகவும். அதிமுக நிர்வாகிகள் பலரை அச்சுறுத்தி தவெக-வில் இணைத்து, குறுக்கு வழியில் வெற்றி காண பல்வேறு யுக்திகளை கையாண்டதாகவும் குற்றம்சாட்டியுள்ளார்.
அதிமுகவுக்கு துரோகம் இழைத்தவர்களும், முதுகில் குத்தியவர்களும் நம்மை எதிர்த்து நின்றார்கள் எனவும் எடப்பாடி பழனிசாமி கூறியுள்ளார்.
தேர்தல் விதிமுறைகளைக் காற்றில் பறக்கவிட்டு, அரசு இயந்திரத்தை தவறாக பயன்படுத்தி 2 தொகுதிகளிலும் தவெக பிரசாரம் மேற்கொண்டதாக கூறியுள்ள அவர்,தீர்ந்துபோன சக்தி எனவும் மற்றும் பலர் எனவும் கேலி செய்தவருக்கு இடைத்தேர்தல் மரண பயத்தைக் காட்டியிருக்கிறது எனவும் குறிப்பிட்டுள்ளார்.
அதிமுகவின் கோட்டையில் நுழைந்துவிட்டதாக தவெக நினைக்கலாம். ஆனால், இது இடைக்கால வெற்றி மட்டுமே எனவும். இந்த தற்காலிக வெற்றியை கொண்டு அதிமுகவை அழித்துவிடலாம் என யாரும் கனவு காண வேண்டாம் எனவும் எடப்பாடி பழனிசாமி கூறியுள்ளார்.
