சவுதி அரேபியாவின் சர்வதேச விமான நிலையத்தின் மீது மீண்டும் ஏவுகணைத் தாக்குதல் நடத்தப்பட்டுள்ளது.
ரியாத்தில் உள்ள கிங் காலித் சர்வதேச விமான நிலையத்தின் பயணிகள் முனையப் பகுதியை ஏவுகணை தாக்கியதில், பலர் காயமடைந்துள்ளதாகத் தகவல் வெளியாகியுள்ளது.
இதையடுத்து, பாதுகாப்பு கருதி விமான நிலையத்தில் இருந்த பயணிகள் மற்றும் ஊழியர்கள் வெளியேற்றப்பட்டு, அனைத்து விமான சேவைகளும் தற்காலிகமாக நிறுத்தப்பட்டுள்ளன.
ஏற்கெனவே இரண்டு நாட்களுக்கு முன்பு நடத்தப்பட்ட தாக்குதலில், சவுதி விமானி உட்பட 3 பேர் உயிரிழந்ததுடன், 8 பேர் காயமடைந்தனர். ஏமனில் ஹவுதி கிளர்ச்சியாளர்களுக்கும், சவுதி தலைமையிலான கூட்டணிப் படைகளுக்கும் இடையே மோதல் நீடித்து வரும் நிலையில், சர்வதேச விமான நிலையம் மீண்டும் தாக்கப்பட்டுள்ளது.
தொடர் தாக்குதல்களால் ரியாத்தில் பதற்றம் அதிகரித்துள்ள நிலையில், விமான நிலையத்தின் பாதுகாப்பு மற்றும் சேத விவரங்களை அதிகாரிகள் ஆய்வு செய்து வருகின்றனர்.
