ரஷ்யாவின் எண்ணெய் சுத்திகரிப்பு நிலையங்கள் மீது உக்ரைன் நடத்தும் தாக்குதல்களை நிறுத்த வேண்டும் என அமெரிக்க அதிபர் டொனால்ட் டிரம்ப் எச்சரித்துள்ளார்.
வெள்ளை மாளிகைக்கு வெளியே செய்தியாளர்களிடம் பேசிய டிரம்ப், ரஷ்யாவின் எண்ணெய் சுத்திகரிப்பு நிலையங்களை தாக்கக்கூடாது என உக்ரைன் அதிபர் ஜெலன்ஸ்கியிடம் ஏற்கெனவே தெரிவித்ததாக கூறினார்.
இருப்பினும், ஜெலன்ஸ்கி டீசல் எரிபொருள் தொடர்பான கட்டமைப்புகளைத் தாக்கியதாகக் குற்றம்சாட்டிய டிரம்ப், எண்ணெய் சுத்திகரிப்பு நிலையங்கள் மீதான தாக்குதல் உலகளாவிய பிரச்னையாக மாறக்கூடும் என்றும் குறிப்பிட்டார்.
உலகளாவிய எரிபொருள் தட்டுப்பாட்டை உக்ரைனின் தாக்குதல்கள் மேலும் மோசமாக்குவதாக குற்றம்சாட்டியுள்ள டிரம்ப், இதுபோன்ற தாக்குதல்களை உடனடியாக நிறுத்த வேண்டும் என கடுமையாக வலியுறுத்தினார்.
