திருப்பரங்குன்றம் தீப விவகாரத்தில் இந்து முன்னணி பொறுப்பாளர்கள் 4 பேர் கைது செய்யப்பட்டதற்கு மாநிலத் தலைவர் காடேஸ்வரா சுப்பிரமணியம் கண்டனம் தெரிவித்துள்ளார்.
இந்து முன்னணி மாநிலத் தலைவர் காடேஸ்வரா சுப்பிரமணியம் வெளியிட்டுள்ள அறிக்கையில், திருப்பரங்குன்றத்தில் நீதிமன்றத் தீர்ப்பை ஏற்று தமிழக அரசு தீபம் ஏற்றிட ஏற்பாடு செய்ய வலியுறுத்தி அனைத்து மாவட்டங்களிலும் ஆர்ப்பாட்டம் நடைபெற்றதாக குறிப்பிட்டுள்ளார்.
காவல்துறை அதிகாரிகள் அவசரகதியில் வழக்கு பதிவு செய்து இந்து முன்னணி பொறுப்பாளர்கள் நான்கு பேரை கைது செய்துள்ளதை இந்து முன்னணி வன்மையாக கண்டிப்பதாகவும் தெரிவித்துள்ளார்.
காவல்துறை அதிகாரிகள் தானாக வழக்கு பதிவுசெய்து, நான்கு இடங்களில் நான்கு பேரை கைது செய்து சிறையில் அடைக்க, வேக வேகமாக செயல்பட்டதன் நோக்கம்தான் என்ன? என்றும் கேள்வி எழுப்பியுள்ளார்.
ஒருதலைப்பட்சமாக, யாருடைய தூண்டுதலினாலோ கைது செய்யப்பட்ட இந்து முன்னணி பொறுப்பாளர்கள் நான்கு பேரையும் விடுதலை செய்யவும்,
போடப்பட்ட வழக்குகளை நீக்கவும் முதல்வர் ஜோசப் விஜய் நடவடிக்கை எடுக்க வேண்டுமென்றும் காடேஸ்வரா சுப்பிரமணியம் கேட்டுக்கொண்டுள்ளார்.
