தமிழகத்தின் மின் தேவையைப் பூர்த்தி செய்ய, ஒரு யூனிட் மின்சாரத்தை அதிகபட்சமாக 35 ரூபாய்க்குக் கொள்முதல் செய்ய மின்வாரியம் ஒப்பந்தம் செய்துள்ளது.
தமிழகத்தில் மின் தேவை அதிகரித்துள்ள நிலையில், மத்திய அரசின் மின் நிலையங்கள் மற்றும் தனியார் நிறுவனங்களிடம் இருந்து மாநில அரசு மின்சாரத்தைப் பெற்று வருகிறது.
இந்நிலையில், கூடுதல் மின்சாரத்தைப் பெற முடிவு செய்துள்ள தமிழக அரசு, வரும் 31ம் தேதி வரை மின்சாரம் கொள்முதல் செய்வதற்கான புதிய ஒப்பந்தத்தை மேற்கொண்டுள்ளது.
இதற்காக ஒரு யூனிட் மின்சாரத்துக்கு 31 ரூபாய் 99 காசுகள் முதல் 34 ரூபாய் 49 காசுகள் வரை விலை நிர்ணயித்து டெண்டர் வெளியிடப்பட்டது.
அதன்படி, மாலை முதல் நள்ளிரவு வரை 3 ஆயிரம் மெகாவாட் மின்சாரம் வாங்க டெண்டர் கோரப்பட்ட நிலையில், 2 ஆயிரத்து ஒரு மெகாவாட் மின்சாரத்துக்கு ஒப்பந்தம் செய்யப்பட்டுள்ளது.
இதில், ஒரு யூனிட் மின்சாரம் 33 ரூபாய் 37 காசுகள் முதல் 35 ரூபாய் வரை கொள்முதல் செய்யப்பட உள்ளதாக வெளியான தகவல் அதிர்ச்சியை ஏற்படுத்தியுள்ளது.
