பாகிஸ்தான் பயங்கரவாத அமைப்புடன் தொடர்புடையவர்கள் திருப்பூர், ஈரோடு மாவட்டங்களில் பதுங்கியிருப்பதாகக் கிடைத்த தகவலின் பேரில், என்.ஐ.ஏ. அதிகாரிகள் தேடுதல் வேட்டையில் ஈடுபட்டுள்ளனர்.
பாகிஸ்தானில் போதைப்பொருள் கடத்தலில் ஈடுபட்டு வந்த ஷாசாத் பட்டி என்பவர், எஸ்.பி.என். என்ற அமைப்பை உருவாக்கி பயங்கரவாதச் செயல்களில் ஈடுபட்டு வந்ததாகக் கூறப்படுகிறது. மேலும், இந்திய இளைஞர்களை மூளைச்சலவை செய்து குற்றச்செயல்களில் ஈடுபடுத்துவதாகக் கிடைத்த தகவலின் பேரில் என்.ஐ.ஏ. அதிகாரிகள் விசாரணை நடத்தினர். இதில், தஞ்சாவூரில் பதுங்கியிருந்த மக்சூத் அலி என்பவர் அந்த அமைப்புடன் தொடர்பில் இருந்தது தெரியவந்ததாகக் கூறப்படுகிறது. இதையடுத்து, மக்சூத் அலி உள்ளிட்ட 6 பேரைக் கைது செய்த அதிகாரிகள், திருப்பூர் மற்றும் ஈரோடு மாவட்டங்களில் பதுங்கியிருப்பதாகக் கூறப்படும் மேலும் சிலரைத் தேடி வருகின்றனர்.
