கோதாவரி – காவிரி நதிநீர் இணைப்பு, கிருஷ்ணா நதிநீர் விடுவிப்பு உள்ளிட்டவை குறித்து ஆந்திர முதலைமைச்சர் சந்திராபு நாயுடு உடன் முதலமைச்சர் விஜய் ஆலோசனை நடத்தினார்.
ஆந்திர மாநிலம் விஜயவாடா சென்ற தமிழக முதலமைச்சர் விஜய், கிருஷ்ணா நதிக்கரை ஓரத்தில் இந்திரகீலாத்ரி மலையில் உள்ள கனக துர்கை கோயிலுக்கு சென்றார். அங்கு விஜய்க்கு, மேளதாளங்கள் முழங்க பூரண கும்ப மரியாதை அளிக்கப்பட்டது.
கோயிலில் இருந்த பக்தர்கள் விஜயை பார்த்ததும் ஆரவாரம் செய்தனர். பின்னர் ஆந்திர அமைச்சர்கள் மற்றும் தமிழக அமைச்சர்கள் உடன்
கனக துர்க்கை அம்மன் கோயிலில் சிறப்பு வழிபாடு மேற்கொண்டார். தொடர்ந்து விஜய்க்கு பிரசாதம் மற்றும் கனக துர்கை -மல்லேஸ்வர சாமி புகைப்படங்களை கோயில் நிர்வாகத்தினர் வழங்கினர்.
ஆந்திரத்திற்கு பயணம் மேற்கொண்ட முதலமைச்சர் விஜய், அமராவதியில் உள்ள முதலமைச்சர் சந்திரபாபு நாயுடு இல்லத்திற்குச் சென்று அவரை சந்தித்தார். சந்திரபாபு நாயுடுவுடன் அவரின் மகனும் அம்மாநில அமைச்சருமான நாரா லோகேஷ் மற்றும் அமைச்சர் விஷ்ணு ரெட்டி ஆகியோர் முதலமைச்சர் விஜய்யை வரவேற்றனர்.
அப்போது, அமைச்சர்களான நிம்மலா ராமநாயுடு, நாராயணா மற்றும் எம்.பி. ஸ்ரீனிவாசலு ரெட்டி ஆகியோரை விஜய்க்கு அறிமுகம் செய்து வைத்தார். இந்த சந்திப்பில், கோதாவரி – காவிரி நதிநீர் இணைப்பு, கிருஷ்ணா நதி நீர் விடுவிப்பு உள்ளிட்டவை குறித்து இரு முதல்வர்களும் பேசியதாகத் தெரிகிறது.
