கோவை காட்டூரில், இந்து முன்னணி மாநிலத் தலைவரின் கார் மீது, இருசக்கர வாகனம் மோதியது தொடர்பாக போலீசார் விசாரணை நடத்தி வருகின்றனர்.
கோவை காட்டூர் பகுதியில் உள்ள இந்து முன்னணி அலுவலகம் முன்பு, மாநிலத் தலைவர் காடேஸ்வரா சுப்பிரமணியத்திற்குச் சொந்தமான கார் நிறுத்தப்பட்டிருந்தது. அவரது காரின் மீது இருசக்கர வாகனத்தில் வந்த பீகார் மாநிலத்தைச் சேர்ந்த முஸ்தபா என்பவர் மோதியதாகக் கூறப்படுகிறது.
இந்த சம்பவத்தின்போது காடேஸ்வரா சுப்பிரமணியம் காரில் இல்லை. நிறுத்தப்பட்டிருந்த கார் மீது இருசக்கர வாகனம் மோதியது தொடர்பாக, இந்து முன்னணி நிர்வாகிகள், காட்டூர் காவல் நிலையத்தில் புகார் அளித்தனர். இதையடுத்து, சம்பவம் தொடர்பாக போலீசார் விசாரணை மேற்கொண்டு வருகின்றனர்.
