தாமிரபரணி ஆற்றை பாதுகாக்க வேண்டும் என பாமக எம்எல்ஏ சௌமியா அன்புமணி வலியுறுத்தினார்.
நெல்லை தாமிரபரணி ஆற்றுக்கு சென்று ஆய்வு மேற்கொண்ட அவர், அங்கு புனிதநீரை தெளித்து ஆசி பெற்றுக் கொண்டார். பின்னர், செய்தியாளர்களிடம் பேசிய சௌமியா அன்புமணி, தாமிரபரணி ஆற்றில் கழிவுநீர் கலப்பதாக வேதனை தெரிவித்தார்.
இதனை கருத்தில் கொண்டு ஆற்றை முழுமையாக தூய்மைப்படுத்த தவெக அரசு நடவடிக்கை எடுக்க வேண்டும் என வலியுறுத்தினார்.
மேலும், தாமிரபரணி ஆற்றின் 59 கோடி ரூபாய் பராமரிப்பு நிதியை கட்டுமான பணிகளுக்கு மட்டுமின்றி, பழமையான மண்டபங்கள், படித்துறைகளை பாதுகாக்கவும் பயன்படுத்த வேண்டும் என கோரிக்கை விடுத்தார்.
