பாகிஸ்தான் பயங்கரவாத அமைப்புடன் தமிழகத்தில் கைது செய்யப்பட்ட 7 பேருக்கு தொடர்பு இருப்பது என்ஐஏ விசாரணையில் தெரியவந்துள்ளதாக தகவல் வெளியாகியுள்ளது.
கோவையில் தங்கி வேலை செய்வது போல் நடித்து, ஆன்லைன் மூலம் இளைஞர்களை பயங்கரவாத செயல்பாடுகளுக்கு ஈர்க்க முயன்றதாக உத்தரப் பிரதேசத்தைச் சேர்ந்த மக்சூத் அலி கடந்த செப்டம்பர் 6-ம் தேதி கைது செய்யப்பட்டார்.
இதேபோல், தஞ்சாவூரில் தடைசெய்யப்பட்ட அமைப்புகளுக்காக ரகசிய வகுப்புகள் நடத்தி இளைஞர்களை மூளைச்சலவை செய்ததாக யாசர் அப்துல், உமர் முக்தார் உள்ளிட்ட 6 பேர் கடந்த 1-ம் தேதி கைது செய்யப்பட்டனர்.
இந்நிலையில், இந்தியாவில் நாசவேலைகளில் ஈடுபட திட்டமிட்டதாகக் கூறப்படும் பாகிஸ்தான் பயங்கரவாத அமைப்புடன் இவர்களுக்கு தொடர்பு இருப்பதாக தகவல் வெளியாகியுள்ளது.
கடந்த மார்ச் மாதம் டெல்லி கண்டோன்மெண்ட் ரயில் நிலையத்தில் ரகசிய கேமராக்கள் பொருத்திய விவகாரம் தொடர்பாக, 7 பேரிடமும் என்ஐஏ தொடர் விசாரணை நடத்தி வருகிறது.
