பிரதமர் மோடிக்கு நடிகர் ஷாருக்கான் வாழ்த்து!

இந்தியா தலைமையிலான ஜி20 மாநாடு வெற்றிகரமாக நிறைவடைந்திருக்கும் நிலையில்,  நடிகர் ஷாருக்கான் பாரதப் பிரதமர் நரேந்திர மோடிக்குவாழ்த்துகளை தெரிவித்திருக்கிறார். இது ஒவ்வொரு இந்தியரின் மனங்களில் பெருமை மற்றும் மரியாதையை ஏற்படுத்தி இருக்கிறது என்று கூறியிருக்கிறார்.

இந்தியா தலைமையிலான ஜி20 உச்சி மாநாடு, வெற்றிகரமாக நடந்து முடிந்திருக்கிறது. இம்மாநாட்டை சிறப்பாக நடத்தியதற்காகவும், திறம்பட நடத்தியதற்காகவும் பாரதப் பிரதமர் நரேந்திர மோடிக்கு சர்வதேசத் தலைவர்கள் வாழ்த்துத் தெரிவித்திருக்கின்றனர். பிரபல பாலிவுட் நட்சத்திரமான அனுபம் கேர், பிரதமர் மோடிக்கு வாழ்த்துத் தெரிவிருந்த நிலையில், மற்றொரு பிரபல பாலிவுட் நட்சத்திரமான ஷாருக்கானும், பிரதமர் மோடிக்கு வாழ்த்துகளை தெரிவித்திருக்கிறார்.

அதாவது, ஜி20 உச்சி மாநாட்டின் 2-வது நாளான நேற்று, பாரதப் பிரதமர் மோடி, தனது எக்ஸ் பக்கத்தில், “சிறந்த கிரகத்திற்கான ஜி20 உச்சி மாநாட்டில் ஆக்கப்பூர்வமான விவாதங்கள்” என்று தலைப்பிட்டு, ஜி20 தலைவர்களுடன் ஆலோசனையில் ஈடுபட்டிருந்த காணொளியை வெளியிட்டிருந்தார். பிரதமர் மோடியின் இந்த எக்ஸ் பதிவுக்கு பதிலளித்திருக்கும் நடிகர் ஷாருக்கான், “ஜி20 அமைப்புக்கு இந்தியா வெற்றிகரமாக தலைமை வகித்து, உலக எதிர்காலத்தை சிறப்பாக மாற்றுவதற்கும், நாடுகள் இடையே ஒற்றுமையை ஏற்படுத்துவதில் முக்கிய பங்காற்றி இருப்பதற்கும் மரியாதைக்குரிய பிரதமர் நரேந்திர மோடிக்கு வாழ்த்துகளை தெரிவித்துக் கொள்கிறேன். இது ஒவ்வொரு இந்தியரின் மனங்களில் பெருமை மற்றும் மரியாதையை ஏற்படுத்தி இருக்கிறது. உங்கள் தலைமையில், நாம் ஒற்றுமையாக வளர்ச்சியடைவோம். ஒரே பூமி, ஒரே குடும்பம், ஒரே எதிர்காலம்” என்று குறிப்பிட்டிருந்தார்.

Congratulations to Hon. PM @narendramodi ji for the success of India’s G20 Presidency and for fostering unity between nations for a better future for the people of the world.
It has brought in a sense of honour and pride into the hearts of every Indian. Sir, under your… https://t.co/x6q4IkNHBN

— Shah Rukh Khan (@iamsrk) September 10, 2023